Yaqin Sharqdagi harbiy muvozanat yana o‘zgarmoqda, deb xabar berdi middleeasteye.net. 12 kunlik qonli to‘qnashuv va Isroil havo hujumlaridan katta talafot ko‘rgan Eron havo himoya tizimlarini tiklash uchun Xitoydan zamonaviy zenit raketa majmualarini sotib oldi. Manbalarga ko‘ra, qurollar 24 iyun kuni, sulh kelishuvi imzolangandan so‘ng Eronga topshirilgan.
Qurollar turi va soni aniq oshkor qilinmagan, ammo aytilishicha, kelishuv neft orqali amalga oshirilgan. Xitoy va Eron o‘rtasidagi bu savdo mintaqadagi geosiyosiy vaziyatga ham ta’sir ko‘rsatgan. AQSHning arab ittifoqchilari bu harakatdan xabardor bo‘lib, Vashingtonga ma’lumot yetkazgan.
Ma’lumotlarga ko‘ra, Eron hozirgacha osmonini Rossiyadan olingan “Favorit” S-300 majmualari bilan himoya qilib kelayotgan edi. Biroq, Isroil bilan to‘qnashuv paytida mazkur tizimlar kutilgan natija bermadi. AQSH tomonidan Isroilga yetkazib berilgan F-35, F-16 va F-15 qiruvchilari Eronning strategik obyektlariga qadar yetib borib, boshqariluvchi aviabombalar tashladi. Oqibatda, faqat bitta harbiy baza zenit raketalarini ishga tushirgan, qolganlari esa hujum haqida ma’lumotga ega bo‘lmagan.
Ekspertlar ta’kidlashicha, Eronning Xitoydan yangi mudofaa tizimlarini xarid qilishi mamlakatning xavfsizlik strategiyasida yangi bosqichni boshlashi mumkin. Bu esa, nafaqat Eron, balki butun mintaqa uchun mudofaa muvozanatiga jiddiy ta’sir o‘tkazadi.
Zamin.uz esa, Yaqin Sharqdagi harbiy texnikalar, mintaqaviy munosabatlar va xavfsizlik sohasidagi eng so‘nggi yangiliklar haqida o‘z o‘quvchilarini tezkor va xolis axborot bilan ta’minlashda davom etadi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
