Qizil sayyora — Marsdan uzilib Yerga kelgan tabiat mo‘jizasi Nyu-Yorkdagi mashhur Sotheby's auksion uyida noyob tarixiy va g‘ayritabiiy ahamiyati bilan diqqat markaziga chiqdi. Uning haqiqiy narxi va qaysi qo‘lga tushgani esa barchaga qiziq. Bu haqda The Guardian nashri xabar berdi.
25 kilogrammlik meteoritga NWA 16788 nomi berilgan. Uni 2023 yil noyabrida meteoritlar ovchisi Sahroi Kabir cho‘lida topgan. Ayni meteorit Marsga katta asteroid urilishi oqibatida uzilib ketgan va millionlab kilometr fazoni bosib o‘tib, oxiri Yerga yetib kelgan.
Sotheby's ma’lumotlariga ko‘ra, ushbu meteorit Marsdan uzilib chiqqanida 225 million kilometr masofani bosib o‘tgan. Bu jarayonning o‘ziyoq mutaxassislarni larzaga soladigan ahamiyatga ega. Har qanday eksponatda topilmaydigan bunday tarixiy yo‘l meteoritning bahosini ham osmonga chiqardi.
Auksionda meteorit uchun boshlang‘ich baho 2–4 million dollar oralig‘ida belgilangandi. Biroq tortishuvlar qizg‘in kechdi. Oxirgi taklif 4,3 million dollarni tashkil qildi, ammo barcha komissiya va xizmat haqlari qo‘shilgan holda meteoritning yakuniy narxi 5,3 million dollarga yetdi.
Xaridor kim ekani oshkor qilinmadi. Ammo internet foydalanuvchilari orasida "Ehtimol, bu Ilon Maskdir", degan shubhalar taralmoqda. Axir Marsga shunchalik mehr qo‘ygan yana kim bo‘lishi mumkin?
Bu olamshumul voqea nafaqat astronomiya muxlislari, balki oddiy o‘quvchilar uchun ham qiziq. Yerdagi eng yirik Mars bo‘lagining olib qo‘yilishi faqatgina pul emas, balki tarix, ilm-fan va insonning fazoga bo‘lgan intiluvchanligini ham namoyon etadi.
Shu bilan birga, bu meteorit oddiy san’at yoki qadriyat emas, balki butun sayyoramizdagi fan taraqqiyotiga bag‘ishlangan aniq ishora sifatida ham qaraladi. Ehtimol, u bir kun kelib muzeyga qo‘yilar, balki shaxsiy laboratoriyaga tushib qolar. Bir narsa aniq — uning qadri yillar o‘tishi bilan faqat ortib boradi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
