Braziliyada so‘nggi 25 yildagi eng yirik neft koni topildi

Braziliyaning g‘arbiy sohilida joylashgan Santos havzasida chuqur suv ostida joylashgan yangi neft va gaz zaxiralari aniqlangani e’lon qilindi. Mutasaddilarning aytishicha, bu topilma so‘nggi chorak asrdagi eng yirigi bo‘lib, u mintaqaning energetika salohiyatini sezilarli darajada oshirishi mumkin.

Kashfiyot Bumerangue maydonida ro‘y berdi. Taxminan 400 kilometr uzoqlikda joylashgan bu hududda 500 metrlik qatlamda neft va gaz mavjudligi aniqlangan. Endilikda bu joyda maxsus ishlab chiqarish markazi qurilishi ham ko‘rib chiqilmoqda.

So‘nggi yillarda kompaniya yana fosil yoqilg‘i manbalariga e’tibor qaratishni boshladi. Bu o‘zgarishlar, bir tomondan, investorlar ishonchini tiklashga, boshqa tomondan esa global energetika bozoridagi raqobatda kuchayishga qaratilgan.

Bu yil Meksika ko‘rfazi va Misrda ham yangi konlar aniqlangani fonida Braziliyadagi topilma energetika sohasida strategik burilish sifatida baholanmoqda. Kashfiyot haqidagi yangilik ortidan kompaniya aksiyalari London fond birjasida 1 foizga oshdi.