Janubiy Yevropada yong‘inlar kuchaymoqda, harorat 44 darajagacha ko‘tarildi

Janubiy Yevropada kuchli issiq to‘lqini fonida o‘nlab o‘rmon yong‘inlari yuz bermoqda. Harorat Italiya, Ispaniya, Portugaliya va Bolqon mamlakatlarida 40°C dan oshib, ayrim hududlarda 44°C ga yetdi. Issiqlik va shamol minglab aholining evakuatsiya qilinishiga sabab bo‘ldi.

Ispaniyada Madrid yaqinida va Andalusiyada yuzlab odamlar ko‘chirilgan, 1 000 dan ortiq askar yong‘inlarni o‘chirishga jalb etilgan. Portugaliyada uchta yirik yong‘in kuzatilib, Marokash ikki samolyot bilan yordam berdi.

Italiyada hafta oxirida 40°C issiqlik kutilmoqda, 16 shaharda “qizil” ogohlantirish e’lon qilindi. Fransiyada esa hududlarning katta qismida harorat 36–40°C bo‘lishi taxmin qilinmoqda.

Gresiyada 100 dan ortiq yong‘in yuz berib, ko‘plab viloyatlarda keng ko‘lamli evakuatsiya amalga oshirilmoqda. Turkiya Izmir viloyatidagi yirik yong‘inlarni nazoratga oldi.

Mutaxassislar iqlim o‘zgarishi O‘rta Yer dengizi hududida yozlarni yanada issiq va qurg‘oqchil qilayotgani, bu esa yong‘in mavsumlarini uzoqroq va xavfliroq bo‘lishiga olib kelayotganini ta’kidlamoqda.