Xitoylik Syaogui ismli to‘tiqush ranglarni tez tanib olish borasida jahon rekordini yangiladi. Ginnes rekordlar kitobiga ko‘ra, u atigi 33,5 soniyada 10 xil rangni to‘g‘ri aniqlagan, deb Peopletalk xabar bermoqda.
Qiziqarli sinov davomida qushga bir xil rangdagi 10 ta mayda plastik idish va boshqa rangdagi 10 ta somon to‘pi taqdim etildi. Uning vazifasi to‘plarni olib, mos savatga joylashtirishdan iborat edi.
Syaogui mashg‘ulotni quvonch bilan boshlab, to‘plarni birma-bir terib chiqdi va ularni kerakli savatga qo‘ydi. Eng e’tiborli jihati shundaki, u hatto pushtining och va to‘q tuslarini farqlay oldi: dastlab xato qilgan bo‘lsa-da, tezda sezib, uni to‘g‘rilagan.
Ma’lum bo‘lishicha, bu noyob qobiliyat Syaoguida jo‘jalik paytidayoq namoyon bo‘lgan. Egasi uning rangli o‘yinchoqlarga qiziqishini payqab, asta-sekin ranglarni ajratishga o‘rgatgan.
“Zamin”ni Telegramʻda oʻqing!
