Belgiyalik 41 yoshli kolleksioner Stiven van Deyk dunyodagi eng yirik LEGO minfikuslar to‘plamini yaratdi. Uning kolletsiyasi 11 803 ta figuradan iborat bo‘lib, bu rasman Ginness rekordi sifatida qayd etildi, deb yozmoqda Pravilamag.
Stivenning aytishicha, LEGO fikuslari nafaqat qimmatbaho o‘yinchoq, balki izlanish, almashish va namoyish qilishdagi zavqni ham ulashadi. Kolleksiya shu qadar kattaki, uni uyda joylashtirish imkoni yo‘q, shu bois qismlari ko‘rgazmalarda taqdim etiladi.
LEGOga qiziqish uning bolaligidan boshlangan. Birinchi figurasi ko‘zlari bog‘langan, qizil-siyoh rangli kiyim kiygan qaroqchi edi. Shu paytdan boshlab Stiven bu mashg‘ulot umrining bir qismiga aylanishini anglagan.
Uning to‘plami klassik qahramonlar bilan birga Ninja Turtles, Yulduzli urushlar, Batman va Vinni Pooh kabi franshizalarning personajlarini ham o‘z ichiga oladi. Stivenning eng qimmatli topilmalari orasida faqat lotereya orqali tarqatilgan kamyob britancha figura ham bor. Unga ega bo‘lish uchun Londondagi LEGO do‘koniga kirish uchun olti soat navbat kutgan.
Kolleksioner LEGO anjumanlarida qatnashish va dunyo bo‘ylab shunday ishqibozlar bilan tanishishni ham yaxshi ko‘radi. “Bu jamoa orqali ko‘p do‘stlar orttirdim”, – deydi u.
“Zamin”ni Telegramʻda oʻqing!
