Amerika Qo‘shma Shtatlarida yana bir daxshatli holat yuz berdi. Arkanzas universitetining kampus hududida joylashgan Mullins kutubxonasida otishma qayd etilgani haqida rasmiy xabar tarqatildi. Universitet ma’muriyatining X ijtimoiy tarmog‘idagi sahifasida e’lon qilingan bayonotda talabalar va xodimlarga kutubxona atrofidan darhol uzoqlashish, xavfsiz hududga chiqish tavsiya etildi.
«Faol otishma haqida signal berilgani uchun, iltimos, Mullins kutubxonasi yonidan tezda uzoqlashing», — deyiladi rasmiy xabarda.
Ayni paytda otishmaga doir qo‘shimcha ma’lumotlar ochiqlanmagan. Hodisa sabablari, qurbonlar yoki jabrlanuvchilar haqida hali hech qanday aniq ma’lumot berilmagan. Mutasaddi huquq-tartibot organlari hodisani o‘rganishni boshlab yuborgani ma’lum qilindi.
Mutaxassislar ta’kidlashicha, AQSH universitetlarida bunday holatlarning tez-tez sodir bo‘lishi jamoatchilik orasida jiddiy xavotir uyg‘otmoqda. Ota-onalar va talabalar xavfsizlik choralarining kuchaytirilishini talab qilmoqda.
Bu otishma Arkanzas universiteti tarixidagi eng og‘ir voqealardan biri sifatida qayd etilishi mumkin. Rasmiylar hodisa tafsilotlarini yaqin soatlarda oshkor etishi kutilmoqda.
