Rossiya va Ukraina rahbarlari Vladimir Putin hamda Volodimir Zelenskiy o‘rtasida uchrashuv o‘tkazilishi mumkin emas. Bu haqda Germaniya kansleri Fridrix Mers o‘z bayonotida ma’lum qildi.
— Albatta, o‘tgan hafta prezident Donald Tramp va prezident Putin o‘rtasida muloqot bo‘lgani kabi, Zelenskiy va Putin o‘rtasida uchrashuvga yetib borilmaydi, — dedi Mers Fransiya prezidenti Emmanuel Makron bilan uchrashuvi davomida.
Kansler bu masala yuzasidan qo‘shimcha izoh bermadi. Biroq uning so‘zlari xalqaro maydonda katta muhokamalarga sabab bo‘ldi.
Avvalroq, Rossiya tashqi ishlar vaziri Sergey Lavrov Putin Zelenskiy bilan oliy darajada uchrashishga tayyorligini bildirgandi. Ammo u bunday muloqot uchun muhim shart qo‘ygan edi: ko‘tarilishi kutilgan barcha masalalar oldindan muhokama qilinishi va yechim topilishi shart.
Mersning qat’iy bayonoti Kiyevda kecha tunda va 28 avgust tonggida kuzatilgan havo hujumlari fonida yangradi. Ma’lumotlarga ko‘ra, Ukraina poytaxtida bir necha marta havo trevogasi e’lon qilingan. Shahardagi portlashlar oqibatida transport harakati qisman to‘xtatilgan, yong‘inlardan chiqqan qora tutun esa osmonni qoplagan.
So‘nggi ma’lumotlarga ko‘ra, hujumlar oqibatida kamida 19 kishi halok bo‘lgan.
Muttaxassislar fikricha, bu vaziyat Rossiya va Ukraina o‘rtasida siyosiy muloqotni yanada murakkablashtiradi. Muxlislar esa kelgusi diplomatik qadamlar qanday yo‘nalish olishini qiziqish bilan kuzatmoqda.
