AQSHning Viskonsin shtatida yashovchi bir kishi o‘zini halok bo‘lgandek ko‘rsatib, chet elda sevgilisi bilan uchrashish maqsadida mamlakatdan qochgani ma’lum bo‘ldi. Peopletalk'ning yozishicha, endi u qariyb uch oyni qamoqda o‘tkazishiga to‘g‘ri keladi.
Ma’lumotlarga ko‘ra, u baydarkada cho‘kib ketgandek qilib, xotini va uch nafar farzandini tashlab, Jorjiya shtatida yashovchi bir ayol bilan uchrashish uchun yo‘lga chiqqan. Keyin esa mamlakatdan qochib ketgan.
Sud jarayonida u huquq-tartibot organlaridan ma’lumotni yashirgani uchun aybdor deb topildi va 89 kunlik qamoq jazosiga hukm qilindi. Qizig‘i shundaki, jazo muddati uning odamlarni 89 kun davomida aldagan vaqt bilan bir xil.
Shuningdek, u tergovchilar uni qidirish uchun sarflagan mehnati va xarajatlari uchun 30 ming dollar to‘lashga rozi bo‘ldi. “Men o‘sha kecha qilgan ishimdan va oilam hamda do‘stlarimga yetkazgan og‘riqdan chuqur afsusdaman”, — dedi u sudda.
Tekshiruv davomida uning yo‘qolishidan bir necha oy avval yangidan pasport olgani ma’lum bo‘ldi. Bu holat tergovchilarga uning mamlakatdan qochish uchun o‘z o‘limi haqida maxsus ssenariy tuzganiga ishora qildi.
“Zamin”ni Telegramʻda oʻqing!
