Kim Chen In Rossiya uchun Ukrainada halok bo‘lgan askarlar oilalari bilan uchrashdi

Shimoliy Koreya rahbari Kim Chen In Ukrainada Rossiya tomonida jang qilib halok bo‘lgan askarlar oilalari bilan uchrashdi. U ularga hamdardlik bildirib, askarlar xotirasi uchun suratlarini bayroqqa o‘rab topshirdi.

Marosim Pxenyanda o‘tkazildi. Kim Chen In o‘z nutqida askarlarni tirik qaytarib kelolmagani uchun afsus bildirdi. Shuningdek, u halok bo‘lganlar sharafiga yodgorlik qurishga va ularning bolalariga g‘amxo‘rlik qilishga va’da berdi.

Janubiy Koreya ma’lumotiga ko‘ra, Shimoliy Koreya Rossiyaga yordam sifatida 15 mingga yaqin askar yuborgan. Ular bilan birga raketa va qurollar ham jo‘natilgan. Evaziga Pxenyan oziq-ovqat va texnik yordam olgani aytilmoqda.

G‘arb rasmiylari yuzlab shimoliy koreyalik askar janglarda halok bo‘lganini bildirgan. Bir necha ming askarlar esa yaralangan.

Kelasi hafta Kim Chen In Xitoyda bo‘lib o‘tadigan harbiy paradda Rossiya prezidenti Vladimir Putin bilan uchrashadi. So‘nggi ikki yil ichida bu ularning uchinchi uchrashuvi bo‘lib, ikki davlat hamkorligi kuchayayotgani kuzatilmoqda.