Tesla va SpaceX kompaniyalari rahbari Ilon Mask o‘z moliyaviy salohiyatini 1 trillion dollardan ortiqqa oshirishi ehtimoli yuqori — kompaniya unga tarixdagi eng qimmat va katta ahamiyatli bitimni taklif qildi.
Hozirgi paytda Maskning umumiy boyligi $428 milliardga baholanmoqda. Yangi aksiyalar va maxsus bonuslar evaziga, ekspertlar taxmini bo‘yicha, uning moliyaviy aktivlari yana taxminan $900 milliardga qo‘shilishi mumkin, bu esa uni dunyoda birinchi trillioner qilish salohiyatiga ega.
Tesla direktorlar kengashi Maskni kamida 2030-yilgacha bosh direktor lavozimida saqlab turishni rejalashtirgan. Bu imkoniyat, masalan, kompaniyaning bir qator ulkan va strategik maqsadlarini amalga oshirishi orqali beriladi. Jumladan, 10-yil ichida kompaniya kapital qiymatini 1,1 dollardan 8,5 trillion dollargacha ko‘tarish, 2035-yilgacha 20 millionta elektromobilni bozorga chiqarish, shuningdek, bir milliondan ortiq robotaksi va Optimus robotlarini ishlab chiqarish vazifalari bor.
«Ilon Maskni ushlab turish va rag‘batlantirish Tesla kompaniyasi uchun strategik jihatdan juda muhim va zarur», — dedi direktorlar kengashi raisi Robin Denholm.
Noyabr oyida aksiyadorlar ushbu kelishuv bo‘yicha ovoz berishadi. Hozirda bir qism investorlar bu bitimning amalga oshirib bo‘lmasligi va kompaniyaning kelajagiga ta’sir qilish ehtimoli haqida bahs-munozaralarni olib bormoqda.
“Zamin”ni Telegramʻda oʻqing!
