AQSh prezidenti Donald Tramp Jorjiya shtatidagi Hyundai zavodida o‘tkazilgan immigratsiya reydidan keyin chet el kompaniyalarini immigratsiya qonunlariga rioya qilishga chaqirdi. U kompaniyalar amerikalik ishchilarni ishga olib, ularni tayyorlashlari zarurligini aytdi.
O‘tgan hafta federal agentlar Hyundai akkumulyator zavodida 475 ishchini, jumladan 300 nafar Janubiy Koreya fuqarosini hibsga oldi. Janubiy Koreya hukumati vatandoshlarini qaytarish ustida ishlamoqda.
Tramp ijtimoiy tarmoqda yozganida, xorijiy sarmoyalarni qo‘llab-quvvatlashini, ammo buning evaziga amerikalik ishchilar uchun imkoniyat yaratishni talab qilishini bildirdi.
Shuningdek, u ayrim xorijiy mutaxassislarni vaqtincha AQShga kiritib, amerikalik ishchilarga tajriba o‘rgatish masalasi ham ko‘rib chiqilishi mumkinligini aytdi.
“Zamin”ni Telegramʻda oʻqing!
