Zelenskiy prezidentlikdan ketish shartini ochiq qildi

Ukraina rahbari Vladimir Zelenskiy prezidentlikdan faqatgina muayyan shart bajarilganidan so‘ng voz kechishini ma’lum qildi.

Uning so‘zlariga ko‘ra, asosiy shart — Rossiya bilan davom etayotgan urushga nuqta qo‘yilishi. Zelenskiy bu haqda ochiq so‘zlab, uning prezidentlik lavozimini egallab turgani shaxsiy istak emas, balki vaziyat taqozosi bo‘lganini ta’kidladi.

“Agar Rossiya bilan mojaro to‘xtasa, ketishga tayyorman. Chunki bu mening orzum emas, balki majburiy qarorim”, — dedi Ukraina prezidenti.

Shu bilan birga, Zelenskiyning ta’kidlashicha, u Ukrainada tinchlikka erishish uchun bor imkoniyatini ishga solishda davom etadi. Uning fikricha, mamlakatda urush nihoya topishi nafaqat siyosiy, balki xalqning erkinligi va kelajagi uchun hal qiluvchi qadamdir.