Turkiya Yevropa Ittifoqida kabob tayyorlash bo‘yicha qat’iy qoidalar joriy etish rejasini bekor qildi. Agar bu amalga oshganida, go‘sht turi, tilim qalinligi va hatto marinad qilish tartibi ham belgilanishi kerak edi.
Germaniyada keng tarqalgan kabob sanoati ushbu qoidalardan eng ko‘p zarar ko‘rishi mumkin edi. Chunki nemischa kabob turli sabzavot va souslar bilan tayyorlanib, an’anaviy turk usulidan farq qiladi.
Germaniya hukumati va ishlab chiqaruvchilar tashabbusga qarshi chiqishdi. Sobiq vazir Jem O‘zdemir kabob Germaniya oshxonasining ham bir qismi bo‘lib qolganini ta’kidladi.
Turkiya Kabob Federatsiyasi 23-sentabr kuni arizasini rasmiy ravishda qaytarib oldi. Yevropa Komissiyasi vakillarining aytishicha, tashabbus rad etilishi baribir kutilgan edi.
“Zamin”ni Telegramʻda oʻqing!
