Belarus prezidenti Belarusda ikkinchi AES qurish taklifini berdi
Belarus prezidenti Aleksandr Lukashenko mamlakatning sharqiy qismida ikkinchi atom elektr stansiyasini qurishni taklif qildi. U yangi AES Rossiya bosib olgan Xerson, Zaporoje, Lugansk va Donetsk hududlariga elektr energiyasi yetkazib berishi mumkinligini aytdi. Lukashenko “Rosatom” loyiha uchun imkoniyatlarni tayyorlaganini bildirdi. Vladimir Putin esa taklifni bevosita qo‘llab-quvvatlamay, elektr uchun haq to‘laydigan iste’molchi bo‘lsa, muammo bo‘lmasligini ta’kidladi.
Belarus prezidenti Aleksandr Lukashenko Rossiya rahbari Vladimir Putin bilan uchrashuvda mamlakatda ikkinchi atom elektr stansiyasi qurish taklifini bildirdi. Bu haqda Kreml saytida e’lon qilingan uchrashuv stenogrammasi orqali ma’lum qilindi.
Lukashenkoga ko‘ra, yangi AES sharqiy Belarusda qurilishi mumkin. Uning asosiy maqsadlaridan biri Rossiya bosib olgan Xerson, Zaporojye, Lugansk va Donetsk hududlariga elektr energiyasi yetkazib berishdir.
Lukashenko “Rosatom” loyihani amalga oshirish uchun imkoniyatlarni tayyorlab qo‘yganini aytib, moliyaviy jihatlarni omma oldida muhokama qilishni istamasligini bildirdi. Putin esa bu taklifni to‘g‘ridan to‘g‘ri qo‘llab-quvvatlamasdan, “Agar elektrni olib, kerakli tarifni to‘laydigan iste’molchi bo‘lsa, bu umuman muammo emas”, — deya javob qaytardi.
Izohlar 0
…