Rossiyaning Turkiyadagi elchisi Andrey Karlovning o‘limidan so‘ng turk huquq-tartibot organlari qotilning smartfonini blokdan echishda yordam so‘rab, Apple kompaniyasiga murojaat qilishdi. Bu haqda Kun.uz sayti ma’lum qildi.
Jinoyatchining shaxsiy buyumlari orasidan iPhone 4S qurilmasi topilgan. Manbaga ko‘ra, Turkiya hukumati Apple'ga devaysni blokdan echishni so‘rab murojaat qilgan.
Biroz avval Turkiyaga axborot xavfsizligi sohasidagi rossiyalik mutaxassislar yo‘l olganligi to‘g‘risida xabar tarqalgandi, biroq bu ma’lumot o‘z tasdig‘ini topmadi.
Rossiyadagi Apple idorasi bu borada hech qanday izoh bermagach, manba kompaniyaning Kupertinodagi shtab-kvartirasiga bu borada so‘rov yo‘llangan.
Shuni ta’kidlash joizki, Apple davlat idoralariga rad javobini bergan. Joriy yilning yozida San-Bernardinodagi otishmadan keyin Amerika hukumati "olma" korporasiyasidan jinoyatchilardan birining iPhone'ini buzib kirishni talab qilgan edi. O‘shanda Apple o‘z qarorini kompaniya mutaxassislari tomonidan aniqlangan har qanday kamchilik begona qo‘llarga o‘tishi mumkinligi bilan izohlangandi. Natijada FQB boshqa mutaxassislardan yordam so‘rashiga to‘g‘ri kelgan.
Hozirga kelib, Anqara prokuraturasi xodimlari jinoyatchining smartfonidagi ma’lumotlarni o‘rganib, uning tanishlari orasida ByLock dasturidan foydalangan kishilar borligini aniqlashdi. Ma’lum bo‘lishicha, Gulen tashkilotining a’zolari aynan shu dastur orqali shifrlangan xabarlar bilan almashishgan.
Bundan avval Turkiya prezidenti Rajab Toyyib Erdo‘g‘an qotilni Gulenning odami ekanini aytgandi, muxolifatning o‘zi esa Karlovning o‘limiga aloqadorlikka doir ayblovni inkor etgan.
19 dekabr kuni Anqara shahrida bo‘lib o‘tayotgan ko‘rgazma vaqtida Rossiyaning Turkiyadagi elchisi Andrey Karlovga qarata o‘q uzilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Putin Ukrainadagi obyektga ballistik raketa zarbasi berilganini e’lon qildi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Zelenskiy Putin borasida bayonot berdi: “Tinchlikni istaganlar yuziga tupurmoqda”
Shavkat Mirziyoyev Rossiya bosh prokurori bilan uchrashuv o‘tkazdi
