Islandiyalik sayyoh Jon Sigurdsson o‘z sayohatlari davomida umrda ko‘rmagan, hatto tasavvur ham qilmagan voqeaga guvoh bo‘ldi. Labradorda u ko‘z o‘ngida oq ayiq va qora ayiq o‘rtasida haqiqiy to‘qnashuv sodir bo‘ldi va bu hodisa tasodifan kameraga yozib olindi.
Qirg‘oqdagi hayratli manzara
Sigurdsson va uning hamrohlari qirg‘oq bo‘ylab sayohat qilayotganda urg‘ochi oq ayiq va uning ikki bolasi ko‘zga tashlandi. Ular tabiat qo‘ynida tinchgina yurgan bir paytda, baland qiyalikdan kutilmagan mehmon – qora ayiq paydo bo‘lib, oq ayiqlarga tomon harakatlana boshladi.
Sayyohlar hodisa muqarrar tarzda to‘qnashuv bilan yakunlanishini anglab yetishdi. Darhaqiqat, ortiqcha sukutsizlikdan so‘ng urg‘ochi oq ayiq bolalarini himoya qilish uchun raqibga tashlandi va qora ayiqni haydab yubordi.
Kameraga tushgan noyob lahza
Jon Sigurdsson bu jarayonni fotokameraga qayd etishga ulgurdi. Uning so‘zlariga ko‘ra, Labradorda oq ayiq va qora ayiq o‘rtasidagi to‘qnashuv haqidagi hikoyalarni ilgari eshitgan, ammo bir necha yillik sayohatlari davomida hech qachon bu kabi voqeaga shaxsan guvoh bo‘lmagan.
Eng qizig‘i, shu kungacha bunday hodisa kamera orqali tasdiqlangan holda ommaga taqdim etilmagandi. Bu lavhalar esa tabiatdagi noyob voqelikni tarixda birinchi marta aniq hujjat sifatida qayd etdi.
Tabiatning qat’iy qonuni
Ekologlar fikricha, bunday to‘qnashuvlar tabiatda kamdan kam hollarda sodir bo‘ladi. Chunki oq ayiqlar asosan muzliklarda yashasa, qora ayiqlar ko‘proq o‘rmon hududlarida faollik ko‘rsatadi. Biroq iqlim o‘zgarishi va ozuqa izlash ularni bir hududda yuzma-yuz kelishiga sabab bo‘lishi mumkin.
Sigurdsson esa o‘z hissiyotlarini yashirmadi: «Men ko‘p yildan beri turli mamlakatlarda sayohat qilaman. Lekin hech qachon bunday voqeani na ko‘rganman, na tasvirga olganman. Bu lavha mening umrimdagi eng unutilmas xotiralardan biri bo‘lib qoladi», — dedi u.
“Zamin”ni Telegramʻda oʻqing!
