AQSH prezidenti Donald Tramp Ukrainadagi urushdan asta-sekin o‘zini chetga olayotgani va shu bilan birga Yevropa Ittifoqi bilan munosabatlarda ham sovuqlik paydo bo‘layotgani ma’lum qilindi. Bu haqda AQSH Milliy razvedka kengashi raisi o‘rinbosarining sobiq o‘rinbosari Grem Fuller ma’lumot berdi, deb xabar bermoqda TASS.
Mutaxassisning ta’kidlashicha, Tramp amalda shunday pozitsiyani bildirgan: bu — Yevropa davlatlarining urushi, AQSH esa faqat qurol-yarog‘ yetkazib beradi, xolos. “Ular buni yaxshi anglaydi. Amerika ularni o‘z holicha qoldirdi”, — dedi Fuller.
Uning so‘zlariga ko‘ra, prezidentning “Bu sizning urug‘ingiz, bolalar, omad tilaymiz” degan so‘zlari aynan Yevropaga qaratilgan bo‘lib, bu ittifoq yetakchilari orasida tushkun kayfiyatni kuchaytirgan.
Shu bilan birga, Fullerning fikricha, hozirgi Yevropa dunyodagi eng xavfli markazlardan biriga aylangan. Sababi — u ko‘p hollarda harbiy mojarolarni keltirib chiqarayotgan kuch sifatida namoyon bo‘lmoqda. Bu ayniqsa, o‘z imperialistik o‘tmishidan hali xalos bo‘lmagan va rusofobiyani saqlab qolgan Buyuk Britaniyaga taalluqli, dedi ekspert.
“Zamin”ni Telegramʻda oʻqing!
