Buyuk Britaniyada o‘tkazilgan kimoshdi savdosida Albert Eynshteynga tegishli skripka 1,1 mln funt sterlingga (taqriban 1,47 mln dollar) qo‘ldan qo‘lga o‘tdi. Daily Mail’ning yozishicha, mazkur lot uchun boshlang‘ich bahoni 405 ming dollar etib belgilashgan, savdo jarayonida narx bir necha barobar yuqoriga ko‘tarildi.
Ushbu nodir asbob olim Germaniyada 1890-yillarda sotib olgan ilk skripkasi hisoblanadi. Natsistlar hokimiyatga kelganidan so‘ng Eynshteyn mamlakatni tark etish oldidan skripkasini hamkasbi — Nobel mukofoti sohibi, fizik Maks fon Lauyega topshirgan. Shundan beri asbob ilmiy meros va madaniy qiymat uyg‘unlashgan artefakt sifatida qimmatbaxo saqlanib kelgan.
Savdodagi ushbu natija buyuk olamshunoslik kashfiyotlari bilan tanilgan Eynshteynning musiqaga mehri va shaxsiy buyumlariga bo‘lgan qiziqish hanuz baland ekanini ko‘rsatdi. Kolleksionerlar va muxlislar uchun bu nafaqat tarixiy xotira, balki fan va san’atni bog‘lab turgan qimmatli yodgorlik ham bo‘ldi.
“Zamin”ni Telegramʻda oʻqing! 
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
