AQSH prezidenti Donald Tramp G‘azo mintaqasida tinchlik rejasining ikkinchi bosqichi rasman boshlanganini ma’lum qildi. U bu haqda o‘zining Truth Social ijtimoiy tarmog‘idagi sahifasida yozgan.
Trampning ta’kidlashicha, garovda bo‘lgan 20 nafar shaxsning barchasi ozod etilgan. Biroq, halok bo‘lgan fuqarolarning jasadlari hali ham qaytarilmagani aytilmoqda.
«Ikkinchi bosqich darhol amalga kirishdi», — deb yozdi Amerika yetakchisi. Uning so‘zlariga ko‘ra, mazkur bosqich mintaqada barqarorlikni ta’minlash va insonparvarlik yordamini kengaytirishga qaratilgan.
Maxsus dastur doirasida tinchlik muzokaralarini davom ettirish, aholini evakuatsiya qilish va jabr ko‘rganlarga yordam yetkazish ishlari ham kuchaytirilishi kutilmoqda.
Tramp ilgari ham G‘azo bo‘yicha kelishuvni ta’minlashda vositachilik qilgan va bu jarayonni “Yaqin Sharqdagi yangi sahifa” deb atagan edi.
“Zamin”ni Telegramʻda oʻqing!
