Shanxayda er-xotin bir yil davomida yangi tug‘ilgan chaqaloqning ismini aniqlay olmadilar va oxir-oqibat ajrashishga qaror qilishdi. Bu haqda Oddity Central xabar bermoqda.
Juftlik munosabatlarini 2023 yilda qonuniylashtirgan. Oradan bir yil o‘tib, o‘g‘il ko‘rishdi. Farzandning tug‘ilishi sevishganlar uchun qiyin davr bo‘ldi, chunki ular o‘rtasida chaqaloqning ismi masalasida tushunmovchilik va janjallar paydo bo‘ldi. Bu hol bir yildan ortiq davom etdi. Bu vaqt davomida bolaning hech qanday hujjati bo‘lmagan, shuning uchun u kerakli tibbiy yordamni ololmagan.
Vaziyat nihoyasiga yetgach, er-xotin ajrashish uchun ariza berishdi. Shanxaydagi Pudun tumani sudi materiallariga ko‘ra, janjal jarayonida ota-onalar bolaga yoqqan ismni ro‘yxatdan o‘tkazish uchun kasalxonaga alohida murojaat qilishgan, biroq buni amalga oshirishning iloji bo‘lmagan, chunki qoidalarga ko‘ra, bunday qarorni ikkala ota-ona ham ma’qullashi kerak.
Sud jarayonida ota-onaning har ikkisi ham bolaga to‘g‘ri g‘amxo‘rlik qilmagani aniqlandi, chunki tug‘ilganlik to‘g‘risidagi tibbiy guvohnomaning yo‘qligi voyaga yetmagan shaxsning shaxsiy huquqlarini buzish hisoblanadi. Buning uchun javobgarlikdan tashqari, sud ularga belgilangan muddatda barcha hujjatlarni rasmiylashtirish va ism-sharifini aniqlash majburiyatini yukladi.
Biroq, bu vaziyatda ham er-xotin mustaqil ravishda kelisha olmadilar: ular hujjatlarning asl nusxalariga egalik qilish huquqi haqida bahslasha boshladilar. Natijada guvohnomani huquqni muhofaza qilish organlariga qoldirishga qaror qilindi.
“Zamin”ni Telegramʻda oʻqing!
