Hindistonning Andxra Pradesh shtatida joylashgan Srikakulam shahridagi ibodatxonada diniy marosim chog‘ida ro‘y bergan tiqilinch fojeali yakun topdi. Rasmiy ma’lumotlarga ko‘ra, hodisa natijasida kamida o‘n nafar odam halok bo‘lgan, jabrlanuvchilar orasida ayollar va bolalar ham bor.
Hodisa marosim avjida, ibodatxona ichkarisida odamlar soni keskin ko‘paygan vaqtda sodir bo‘lgan. Guvohlarning so‘zlariga ko‘ra, chiqish yo‘lagida odamlar bir vaqtning o‘zida ikki tomonlama harakatlana boshlagan va natijada yuzlab odamlar bir-biriga quloqchishib, qattiq tiqilinch yuz bergan.
Qutqaruv xizmatlari va mahalliy hokimiyat xabar berishicha, fojia joyida yana bir necha kishi og‘ir tan jarohati olgan. Ular tez tibbiy yordam mashinalari orqali yaqin atrofdagi shifoxonalarga jo‘natilgan. Ayrimlarining ahvoli og‘ir ekani qayd etilmoqda.
Hozirda hodisa bo‘yicha tergov ishlari boshlangan. Mahalliy politsiya ibodatxona ma’muriyatidan odam oqimini nazorat qilish choralari nega ko‘rilmaganini aniqlashga harakat qilmoqda.
Ekspertlar ta’kidlashicha, Hindistonda bu kabi tiqilinch holatlar diniy marosimlar paytida tez-tez takrorlanadi. Sabablar orasida infratuzilmaning yetarlicha keng emasligi, xavfsizlik tizimlarining sustligi va odam oqimini boshqarishdagi tashkilotchilik kamchiliklari ko‘rsatiladi.
Andxra Pradesh hokimi voqeadan keyin halok bo‘lganlarning oilasiga moddiy yordam ko‘rsatishni va’da qilgan. Hukumat tomonidan barcha diniy tadbirlarda xavfsizlik talablarini kuchaytirish bo‘yicha ko‘rsatma berildi.
Hindistonda har yili o‘nlab yirik diniy marosimlar o‘tkaziladi va ularga millionlab odamlar qatnashadi. Ammo bu kabi fojealar odam oqimini boshqarishning zamonaviy tizimlarini joriy etish zarurligini yana bir bor ko‘rsatmoqda.
“Zamin”ni Telegramʻda oʻqing!
