Amerikalik bloger va Ginnes rekordlari sohibi Samanta Ramsdell yana ijtimoiy tarmoqlarda shov-shuvga sabab bo‘ldi, deb yozdi “Metropoles”. Bu safar u ovqatni bir tishlashda yuta olishi bilan tomoshabinlarni hayratga soldi.
Foydalanuvchilarning biri hazil qilib, “uning stomatologi har safar butun og‘izni yaxshi ko‘ra oladi”, deb yozgan bo‘lsa, boshqalar bu videolar sun’iy intellekt orqali yaratilgan bo‘lishi mumkinligini ta’kidlagan.
Samanta o‘z faoliyatini 2019-yilda boshlagan, ammo pandemiya paytida og‘iz hajmini namoyish qilgan videolari orqali mashhur bo‘lgan. U avval bu xususiyatini kamchilik deb hisoblagan, keyin esa o‘zgacha qiyofasini qabul qilib, uni yutuqka aylantirgan.
Ginnes rekordlar kitobi ma’lumotiga ko‘ra, uning og‘zi 6,52 santimetrgacha cho‘ziladi — bu ayollar orasidagi eng katta ko‘rsatkich hisoblanadi. Ramsdell og‘ziga bir necha burger yoki katta olma sig‘dira oladi.
U TikTok’dagi komedik videolari orqali ommalashgan, undan avval esa sotuvchi va sahna komigi sifatida faoliyat yuritgan.
“Zamin”ni Telegramʻda oʻqing!
