Yaponiyaning shimoli-sharqiy qismida 9-noyabr kuni 6,9 magnitudali zilzila qayd etildi, deb xabar berdi Kyodo News. Seysmik hodisa Sanriku sohillaridan 16 km chuqurlikda mahalliy vaqt bilan soat 17:03 da ro‘y bergan.
Yaponiya meteorologiya agentligi Ivate prefekturasi uchun 1 metrgacha bo‘lgan sunami xavfi haqida ogohlantiruv berdi. Ivate va Miyagi hududlarida zilzila kuchi 4 ball darajasida sezilgan, katta zarar yoki jarohatlanganlar haqida xabar yo‘q.
Kuji va Ofunato shaharlarida 20 sm, Miyako va Kamayishida esa 10 sm balandlikdagi sunami to‘lqinlari kuzatilgan. Tohoku tezyurar poyezdlari harakati vaqtincha to‘xtatilgan, keyinroq qayta tiklangan.
Mutaxassislar aholini ehtiyotkorlikka va seysmik xavfsizlik qoidalariga rioya etishga chaqirdi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
