Indoneziyaning Sumatra orolida ro‘y bergan kuchli yomg‘irlar oqibatida yuzaga kelgan suv toshqinlari va ko‘chkilar fojeali oqibatlarga sabab bo‘ldi. Reuters agentligi xabariga ko‘ra, tabiiy ofat 174 kishining hayotiga zomin bo‘lgan.
Indoneziya tabiiy ofatlarni boshqarish agentligi ma’lumotlariga ko‘ra, yuzlab fuqarolar bedarak yo‘qolgan. Jakarta Post gazetasi esa 100 nafarga yaqin inson hozirgacha topilmaganini bildirgan.
Tabiiy ofat oqibatida ayrim hududlarda elektr energiyasi va aloqa vositalari ishdan chiqqan.
So‘nggi kunlarda yomg‘irli ob-havo nafaqat Indoneziyani, balki butun Janubi-Sharqiy Osiyoni qamrab oldi. Tribun News ma’lumotlariga ko‘ra:
Tailandda 145 kishi halok bo‘lgan, eng ko‘p qurbonlar Sonkxhlar provinsiyasida qayd etilgan.
Shri-Lankada esa 56 kishi halok bo‘lgan, 21 kishi bedarak yo‘qolgan.
Malayziyada suv sathi 60–100 sm gacha ko‘tarilgan va 21 mingdan ortiq aholi evakuatsiya qilingan.
Mahalliy hukumatlar va xalqaro yordam tashkilotlari tabiiy ofatdan jabr ko‘rgan aholiga yordam ko‘rsatish va yo‘qolganlarni qidirish ishlarini davom ettirmoqda.
“Zamin”ni Telegramʻda oʻqing!
