Boyqo‘ng‘ir kosmodromida yuz bergan jiddiy texnik nosozliklar Rossiyaning inson ishtirokidagi parvozlarini ma’lum vaqtga to‘xtatib qo‘yishi mumkin.
Raketa uchirishlari bo‘yicha tahlilchi Georgiy Trishkinning aytishicha, 27 noyabrda “Союз МС-28” kosmik kemasi start olganidan so‘ng, 31-maydonchada joylashgan xizmat kabinasi noma’lum sabab bilan ag‘darilib tushgan.
Trishkin ta’kidlaganidek, Boyqo‘ng‘irdagi mazkur maydoncha — Rossiyaning Xalqaro kosmik stansiyaga kosmonavt jo‘natish uchun qolgan yagona ishlov beradigan start maydonchasi. Uning fikriga ko‘ra, “Союз” va “Прогресс” kemalarining XKSga parvozlari belgilanmagan muddatga kechikishi ehtimoldan holi emas.
Mutaxassislar bahosiga ko‘ra, shikastlangan infratuzilmani tiklash ikki yilgacha davom etishi mumkin. Shu bilan birga, “Роскосмос” maydonchadagi kamchiliklarni yaqin orada bartaraf etish rejalashtirilganini bildirgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
