Reuters agentligi bergan ma’lumotga ko‘ra, parranda grippi insoniyat uchun COVID-19dan ham jiddiyroq global pandemiyaga sabab bo‘lishi mumkin.
Mutaxassislar bu virusning xavfini shunchaki hayvonlardan odamga yuqishi bilan emas, balki insondan-insonga tarqala boshlash ehtimoli bilan bog‘lashmoqda. Agar virus shunday mutatsiyaga uchrasa, bu butun dunyo salomatligiga tahdid tug‘dirishi mumkin.
Ta’kidlash kerakki, COVID-19 pandemiyasi davrida dunyo tibbiyot tizimi qattiq bosim ostida qolgan edi. Parranda grippining yangi shtammi esa agar tezda yuqadigan shaklga aylansa, undan ham og‘ir oqibatlarga olib kelishi mumkinligi aytilmoqda.
Shu bilan birga, mutaxassislar optimizmni saqlab qolmoqda, chunki bu virusga qarshi vaksinalar mavjud. Ayniqsa, ilgari chorva va parranda mahsulotlarida uchragan shtammlar uchun ishlab chiqilgan vaksinalar hozirda mavjud bo‘lib, zarur hollarda ular asosida tezkor emlash dasturlari ishga tushirilishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
