Rossiya Davlat Dumasi deputati Lugovoy migrantlar uchun bank hisoblari sonini cheklash tashabbusini ilgari surdi. Taklifga ko‘ra, chet el fuqarolari uchun “bir kishi — bitta bank — bitta hisob” tamoyilini joriy etish mumkinligi aytilmoqda. Bu orqali migrantlarning bir nechta bankda bir vaqtning o‘zida hisob ochishi cheklanadi.
Shuningdek, taklifda bank hisobini ochish tartibini ham qayta ko‘rib chiqish nazarda tutilmoqda. Xususan, migrantlar uchun hisob ochish faqat xalqaro pasport (xorijga chiqish pasporti) asosida amalga oshirilishi mumkinligi ta’kidlangan. Bu esa shaxsni aniqlash va hujjatlarni tekshirish jarayonini qat’iylashtirishga qaratilgani bilan izohlanadi.
Hozircha ushbu tashabbus taklif darajasida ekani, uning qachon va qanday shaklda muhokamaga kiritilishi bo‘yicha aniq tafsilotlar ochiqlanmagan.
“Zamin”ni Telegramʻda oʻqing!
