Eron Oliy Milliy xavfsizlik kengashi kotibi Ali Larijoniy Donald Trampning ijtimoiy tarmoqda qoldirgan bayonotiga javob qaytarib, keskin munosabat bildirdi.
Larijoniy keskin munosabatida Eron xalqi tarixiy va ma’naviy qadriyatlardan kuch olishini ta’kidladi. Uning aytishicha, Ashuro ruhidan ilhomlangan Eron jamiyati har qanday tahdid yoki bosimdan qo‘rqmaydi.
"Ashurodan ilhomlangan Eron xalqi sizning bo‘sh tahdidlaringizdan qo‘rqmaydi. Sizdan ancha ustun kuchlar ularni yo‘q qila olmadi. Shuning uchun ehtiyot bo‘ling, yo‘qolib qoladigan siz bo‘lishingiz mumkin!”, — deya ta’kidladi u.
Siyosatchi, shuningdek, Eron xalqi uzoq tarix davomida turli bosim va qiyinchiliklarni boshdan kechirganini, ammo har safar bu sinovlardan yanada kuchliroq bo‘lib chiqqanini aytdi. Uning fikricha, tashqi tahdidlar mamlakatning irodasini sindirish o‘rniga, aksincha, birlik va qat’iyatni yanada mustahkamlaydi.
