Isroil mudofaa vaziri Israel Kas Eronga qarshi harbiy operatsiya hal qiluvchi bosqichga kirganini ma’lum qildi. Mahalliy ommaviy axborot vositalari oldida nutq so‘zlagan Katsning aytishicha, Isroil o‘z maqsadlariga erishish uchun qancha vaqt kerak bo‘lsa, kampaniyani shuncha davom ettiradi.
10-mart kungi xabarlarga ko‘ra, Eronga qarshi harbiy kampaniya yana kamida ikki hafta davom etishi kutilmoqda. Amerika Qo‘shma Shtatlari va Isroil hamkorligida 28 fevral kuni boshlangan operatsiya Eron bo‘ylab ko‘plab harbiy obyektlarga zarba berdi.
AQSH va Isroil kuchlari havo hujumidan mudofaa tizimlari, raketa tizimlari, harbiy bazalar va harbiy-dengiz kuchlari obyektlariga yuzlab zarbalar berdi. Operatsiyadan ko‘zlangan maqsad Eronning harbiy salohiyatini zaiflashtirish, raketa va yadro dasturlarining yanada rivojlanishiga yo‘l qo‘ymaslikdir.
Operatsiya boshlanganidan beri qo‘mondonlik markazlari, qurol-yarog‘ omborlari va raketa uchirish maydonchalari bir necha bor zarbaga uchradi. Bunga javoban Eron Yaqin Sharqdagi Amerika bazalari va ittifoqchilarning obyektlariga raketa va dronlar uchirdi, bu esa mintaqadagi mojaroning xavfli darajada kuchayishiga olib keldi.
“Zamin”ni Telegramʻda oʻqing!
