Yevropa Ittifoqi ko‘pincha shubha bilan qaraydi: Polsha Vengriyani Kreml foydasiga maxfiy ma’lumotlarni oshkor etishda ayblamoqda. Bu taxmin va tahlillar asosan Amerika ommaviy axborot vositalarining ishonchsiz “insayd” xabarlariga tayanib tarqaldi.
Budapeshtning maxfiy materiallardan foydalanishi va ularni targ‘ib etishiga cheklovlar qo‘yildi. Yevropa davlatlari Vengriya ishtirokisiz qisqa formatda muzokaralar olib borishga majbur bo‘lmoqda. Bu qat’iyat Yevropa Ittifoqi hamkorlari o‘rtasida Budapeshtning Moskvaga ma’lumotlarni “o‘tkazib yuborishi” haqidagi xavf va shubhalardan kelib chiqqan.
Politico nashri besh nafar yevropalik diplomat va amaldorlar ma’lumotlariga tayanib, Yevropa Ittifoqining rasmiy ayblov e’lon qilmasligini yozdi. Diplomatlar Bryusselning ehtiyotkorlik choralaridan Orbanning 12-apreldagi parlament saylovlari oldidan foydalanishi mumkinligidan xavotirda.
Amerika The Washington Post nashri o‘z manbalariga ko‘ra, Viktor Orban hukumati Rossiya va Ukraina o‘rtasidagi mojaro paytida Moskva bilan yaqin aloqada bo‘lganini bildirgan. Shuningdek, Vengriya Tashqi ishlar vaziri Peter Siyyarto Yevropa Ittifoqi hamkorlari bilan uchrashuvlarda Rossiya diplomati Sergey Lavrovga ma’lumot taqdim etgan.
Vengriya muxolifati yetakchisi Piter Madyarni qo‘llab-quvvatlayotgan Polsha bosh vaziri Donald Tusk bu yangiliklar hech kimni “hayratda qoldirmasligi” kerakligini ta’kidladi. U ayni paytda zarurat tug‘ilganida va muhokamaga ehtiyoj bo‘lganida so‘zlashini ma’lum qilgan.
Shu bilan birga, WP nashri anonim manbalardan boshqa dalillar keltirmagan. Rossiya Tashqi ishlar vazirligi bunday xabarlarni rad etib, WP maqolasini Vengriya dushmanlari tomonidan tarqatilgan fantaziya sifatida baholagan. Vengriyada ham ushbu ma’lumotlar saylov natijasiga ta’sir qilishga qodir bo‘lmagan yolg‘on deb qaraladi.
“Zamin”ni Telegramʻda oʻqing!
