Eron Islom inqilobi qo‘riqchilari korpusi rahbari o‘rinbosari Rahim Nadaliy maʼlumotiga ko‘ra, mamlakatda armiyaga chaqiriluvchilarning minimal yoshi 12 yosh etib belgilangani maʼlum bo‘ldi. Bu haqda Al Arabiya telekanali xabar berdi.
Telekanal xabar berishicha, bu yoshdagi bolalar razvedka va operativ qo‘riqlash vazifalariga jalb etilishi mumkin, shuningdek, “Basij” nazorat-o‘tkazuv punktlaridagi ishlarda qatnashadi, askarlarga ovqat tayyorlash va jarohatlanganlarga qarash bilan bog‘liq vazifalarni bajaradi.
Mutassaddilar taʼkidlashicha, bu qaror Eronning bolalarni harbiy operatsiyalarda ishlatmaslik bo‘yicha xalqaro majburiyatlariga mutlaqo ziddir va butun dunyoda keng tanqidga uchramoqda.
Shu kunlarda AQSH qurolli kuchlari markaziy qo‘mondonligi (CENTCOM) matbuot xizmati 3,5 ming atrofida Amerika dengizchilari va dengiz piyoda qo‘shinlari Yaqin Sharqqa yetib kelganini maʼlum qildi.
OAV xabarlariga ko‘ra, AQSH Eronga qarshi quruqlik operatsiyalarini boshlashga tayyorgarlik ko‘rmoqda, bu esa mintaqadagi vaziyatni yana-da keskinlashtirishi mumkin.
Eronning bu choralari xalqaro maydonda qator nizo va tanqidlarni yuzaga keltirdi, bolalar huquqlari masalasi yana-da dolzarb ahamiyat kasb etmoqda.
“Zamin”ni Telegramʻda oʻqing!
