Avstraliyada 13 yoshli qizga nisbatan jami 109 ta ayblov e’lon qilindi. Bu haqda ABC News xabar berdi.
Ma’lumotlarga ko‘ra, unga o‘g‘irlangan avtomobillardan foydalanish, noqonuniy harakatlar va bir qator huquqbuzarliklarga doir ayblovlar qo‘yilgan.
30 mart kuni qayd etilgan holatlardan birida qiz o‘g‘irlangan avtomobilni boshqargan va bu holat yo‘l harakati ishtirokchilari uchun xavotirli vaziyatlarni keltirib chiqargan. Politsiya tekshiruvlari davomida uning telefonida ham ayrim shubhali materiallar aniqlangan.
Tergovchilarning aytishicha, voqealar oldindan rejalashtirilgan bo‘lishi mumkin va qiz ijtimoiy tarmoqlar hamda e’tiborga qattiq qiziqqan.
Jabrlanuvchilar esa turli darajada jarohat va ruhiy ta’sirdan aziyat chekmoqda. Sud tomonidan bu holat jamiyat uchun xavfli deb baholangan.
Prokurorlar ma’lum qilishicha, o‘smir qiz qisqa vaqt ichida bir necha bor qoidabuzarliklarga yo‘l qo‘ygan.
Qizning advokati uni nazorat ostida garov bilan ozod qilishni so‘ragan, biroq sud bu taklifni rad etgan. Qiz 21 kundan so‘ng yana sudga olib kelinadi.
“Zamin”ni Telegramʻda oʻqing!
