Qo‘lga olingan O‘zbekiston fuqarosi Stokgolm teraktidagi aybini tan oldi

39 yoshli O‘zbekiston fuqarosi Rahmat Oqilov Stokholmdagi teraktni aynan u sodir etganini tan oldi. Bu haqda Oqilovning advokati Yuxan Eriksson ma’lum qildi, deya BBC Newsga asoslanib "Sof.uz" xabar bermoqda.

«Uning pozisiyasi shunday: u terrorchilik aktini amalga oshirishda o‘z aybini tan oldi va qamoq jazosiga mahrum etilishiga tayyor», - deya ma’lum qildi uning himoyachisi. Oqilov o‘zining hibsda qolishini so‘ragan.

Tergov ma’lumotlariga ko‘ra, 39 yoshli Rahmat Oqilov 7 aprel kuni Stokgolm markazida piyodalar ustiga bosib borgan yuk mashinasini boshqargan. Hodisa oqibatida to‘rt kishi halok bo‘lgan, 15 kishi jabrlangan. Shvesiya hukumati yuz bergan voqeani terakt deb baholadi.

Polisiyaning ma’lum qilishicha, Oqilov 2014 yili Shvesiyada doimiy yashash uchun so‘rov bergagn, biroq 2016 yilda uning so‘roviga rad javobi berilgan va u deportasiya qilinishi lozim edi. 2017 yil fevralida u mamlakatdan chiqarib yuborish uchun qidiruvga berilgan.

Stokholmdagi terakt bo‘yicha yana bir gumonlanuvchi hibsga olingan bo‘lib, hozircha uning ismi oshkor etilmayapti. “Zamin”ni Telegramʻda oʻqing!