Donald Tramp boshqa davlat rahbarlaridan qo‘l telefoniga qo‘ng‘iroq qilishlarini so‘ramoqda

AQSh prezidenti Donald Tramp o‘zining mobil telefon raqamini boshqa mamlakatlar rahbarlariga tarqatmoqda va ulardan shaxsan qo‘l telefoniga qo‘ng‘iroq qilishlarini so‘ramoqda, deb yozadi Qalampir.uz nashri.

AQSh rahbari Kanada va Meksika etakchilaridan mobil telefon orqali bog‘lanishni so‘ragan va shu vaqtgacha Kanada bosh vaziri Jastin Tryudogina bu taklifni qabul qilib, Donald Trampga qo‘ng‘iroq qilgan.

Xabarlarga ko‘ra, Oq uy rahbari Fransiyada yangi saylangan prezident – Emmanuel Makron bilan ham raqam almashgan.

Shu bilan birga jahon OAVlari bu harakat diplomatik protokol qoidalariga zid ekanini qayd etishmoqda. Milliy xavfsizlik ekspertlari Donald Tramp mahalliy mobil telefondan foydalangan taqdirda ham uning qo‘ng‘iroqlari yozib olinishi lozimligini ta’kidladilar. Oq uy vakillari esa bunday xabar almashinuvi ijobiy natijalarga olib kelishini ma’lum qilyapti. “Zamin” yangiliklarini “Instagram”da kuzatib boring