Google, Apple, Microsoft, Amazon va Facebook eng qimmatbaho brendlar ro‘yxati birinchi beshligidan joy oldi

Google, Apple, Microsoft, Amazon va Facebook kompaniyalari dunyoning eng qimmatbaho brendlari beshligidan joy oldi. Bu haqda Britaniyaning WPP kompaniyasi va Kantar Millward Brown’ning The BrandZ Global Top 100 deb nomlangan qo‘shma hisoboti guvohlik beradi, deb yozadi «Daryo» nashri.

Joriy yilda reyting etakchilari uchligi o‘zgarishsiz qoldi. Amazon o‘z ko‘rsatkichlarini yaxshilab, ettinchi o‘rindan to‘rtinchi o‘ringa chiqishga erishdi, Facebook o‘z pozisiyasini saqlab qoldi.

Yuqorida nomlari keltirilgan kompaniyalar daromadi reytingga kiritilgan 100 ta tashkilot daromadining 25 foizini tashkil etadi. Tadqiqotda qatnashgan brendlarning birgalikdagi qiymati sakkiz foizga oshib, 2016 yilda 3,4 trillion dollarni tashkil etgani holda, 2017 yilda bu ko‘rsatkich 3,6 trillion dollarga etdi.

Tadqiqot davomida tahlilchilar dunyo bo‘yicha uch milliondan ortiq xaridorning 120 mingga yaqin brendga nisbatan munosabatini o‘rganib chiqdi. “Zamin” yangiliklarini “Vkontakti”da kuzatib boring