Hindistonda buqa va sigirning to‘yi 17 ming dollarga tushdi

Hindistonning Indaur shahrida buqa va sigirning nikoh to‘yi bo‘lib o‘tdi. Angliyaning Mirror nashri xabariga ko‘ra, to‘y marosimiga tayyorgarlik ikki oy davom etgan va buning uchun 10 ming funt sterling (deyarli 17 ming AQSh dollari) sarflangan.

Ganga laqabli sigirni buqa Prakashga erga berish qarori Indaur aholisi tomonidan, shaharga qo‘shni bir qator qishloqlar kuchli yomg‘ir va do‘llardan jabr ko‘rganidan so‘ng qabul qilingan.

Indaur ham hosilsiz qolib ketmasligi uchun aholi eng ko‘p qadrlanadigan jonivorlarni chiroyli to‘y marosimi bilan birlashtirish orqali, tabiat iltifotiga erishishga qaror qilgan.

Odamlarning to‘ylarida bo‘lgani kabi, sigirlar to‘yi ham o‘rtada yig‘ilgan pul orqali moliyalashtirilgan: fermerlarning har biri 80 dollardan pul bergan.

To‘y marosimiga uzoq tayyorgarlik ko‘rilgan, jonivorlar uchun to‘y liboslari tayyorlangan; «kelin»da qimmatbaho taqinchoqlar bo‘lgan.

Marosimda bir necha ming kishi, xususan, qo‘shni qishloqlar aholisi ham qatnashgan. Barcha rasmiyatchiliklar o‘tib bo‘lganidan so‘ng, bayram raqslar bilan yakuniga etgan.


Manba: Sof.uz “Zamin” yangiliklarini “Youtube”da kuzatib boring