AQSh prezidentining korteji YTHga uchradi

AQSh prezidenti Donald Trampning korteji Indiana shtatining Indianapolis shahridagi aeroportiga ketayotganida yo‘l-transport hodisasiga uchradi. Bu haqda “Qalampir.uz” nashri xabar bermoqda.

YTH oqibatida prezidentning kortejiga hamrohlik qilayotgan mototsikldagi politsiyachi jarohatlandi. U mototsikl boshqaruvni yo‘qotib, yiqilib tushgan.

Politsiya xodimiga oyoq suyagi sinishi va bosh miyaning chayqalishi tashxisi qo‘yilgan.

Hozirda uning ahvoli ancha yaxshi ekanligi ma’lum qilingan.

Tramp aeroportga yetib borganda mototsikldagi politsiyachilar bilan uchrashdi, shu bilan birga, jarohatlangan politsiyachi sog‘ligidan xavotirda ekanligini aytgan.

Indianapolisda Donald Tramp saylovoldi kampaniyalarda va’da qilgan soliq islohotlariga oid nutq so‘zladi. “Zamin”ni Telegramʻda oʻqing!