Nyu-Yorkda terakt sodir etishda gumonlanayotgan erkak, O‘zbekistonning sobiq fuqarosi Sayfullo Soipov Uber kompaniyasida haydovchi bo‘lib ishlagan, deb xabar qilmoqda CBS News telekanali kompaniya vakiliga tayangan holda.
Uning so‘zlariga ko‘ra, gumonlanuvchi kompaniyada ishlagan va tarjimai holidagi ma’lumotlari tekshirilgan.
Qayd etilishicha, Soipov Qo‘shma Shtatlarga lotereyada grin-kartani yutib olgan holda ko‘chib ketgan. Bu haqda Santa Monica Observer nashri xabar berdi. Diversity Immigrant Visa («Turli millatdagi muhojirlar uchun vizalar») vizalarni o‘ynash dasturi AQSH Davlat departamenti tomonidan amalga oshiriladi. Lotereya g‘olibi kompyuter orqali tasodifiy tanlov algoritmi bo‘yicha aniqlanadi.
Fox News telekanali ma’lumotlariga ko‘ra esa, uning grin-karta muddati o‘tib ketgan.
Shu bilan birga, politsiya Soipovning yuk mashinasini ko‘zdan kechirish chog‘ida kabinada arab tilidagi yozuvni topgan. New York Times nashri xabariga ko‘ra, unda uning ISHID terrorchilik guruhiga sodiqlik bildirgani aytilgan.
Avvalroq 31 oktyabrda Nyu-Yorkning Quyi Manxetten tumanida, Jahon savdo markazi yonida sodir etilgan teraktni O‘zbekistonning sobiq fuqarosi Sayfullo Soipov amalga oshirganlikda gumon qilinayotgan xabar berilgandi.
Ma’lum qilinishicha, hujum oqibatida Belgiyaning bir fuqarosi halok bo‘lgan va 3 fuqarosi yaralangan. Shuningdek, Argentinaning 5 fuqarosi halok bo‘lgan va bir fuqarosi jarohat olgan.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Vladimir Putin «Krokus»da sodir etilgan terakt uchun o‘ch olishga chaqirdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ruslar Abrams tanklarining zaif tomonini topishdi
Lukashenko G‘arbga tahdid bilan chiqdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi