Kemerovodagi fojiadan keyin bu shaharga 27 martda Rossiya prezidenti Vladimir Putin keldi. U “Zimnyaya vishnya” savdo markazidagi yong‘in oqibatlarini bartaraf etish bo‘yicha yig‘ilish o‘tkazdi. Putin yig‘ilishda Rossiya tergov qo‘mitasi, sog‘liqni saqlash va favqulodda vaziyatlar vazirliklari rahbarlari va viloyat rahbariyati bilan uchrashdi.
Tergov qo‘mitasi rahbari Aleksandr Bastrikin savdo markazida yong‘in signalizatsiyasi ishlamagani haqida, favqulodda vaziyatlar vaziri esa tegishli tekshiruvlar “soliq ta’tillari” bilan qiyinlashganini ma’lum qilgan. Bunga javoban Putin xavfsizlik masalalari va soliq ta’tillarini bir-biriga bog‘lamaslikni so‘ragan.
“Har bir shaxs harakatlariga huquqiy baho berish lozim, barchasini sinchkovlik bilan o‘rganib, huquqiy baho berish kerak. Qandaydir ta’tillarni bahona qilish kerak emas. Pulsiz birorta hujjatni olib bo‘lmaydi, pulini to‘lasang esa istagan narsangga imzo qo‘yib berishadi. Mana falokat nimada, ularning odamlar xavfsizligiga tupurganlari bor”, deb aytgan Putin.
Putin yong‘inda halok bo‘lganlar xotirasini yod etib, ularga atalgan yodgorlikka gullar qo‘ygan. U shuningdek Kemerovo shifoxonasida yong‘inda jabr ko‘rganlar va voqea tergovi borishidan norozi bo‘layotgan tashabbuskor guruh bilan uchrashgan. Putin ulardan halok bo‘lganlar haqidagi rasmiy ma’lumotlarga shubha qilmaslikni va “shubhali ma’lumotlarga” ishonmaslikni so‘ragan.
27 mart kuni bir necha yuz kemerovoliklar viloyat ma’muriyati binosi oldida miting o‘tkazib, hukumatdan savdo markazida halok bo‘lganlar bo‘yicha haqiqiy raqamlarni ma’lum qilishni talab qilishgan. Ko‘pchilik odamlar halok bo‘lganlar haqidagi rasmiy ma’lumotlarga ishonishmayapti va qurbonlar bir necha yuz nafar bo‘lishi mumkinligini aytishmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Mariya Zaxarova ukrainaliklarni Amerika hindulariga o‘xshatdi
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Uchar avtomobil yo‘lovchi bilan birinchi parvozini amalga oshirdi (video)
Velosipedda sayr qilish uchun 3 sabab: yoshartiradi, ozdiradi va umrni uzaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi