AQShdagi hayvonot bog‘ida gorilla yogani o‘zlashtirdi (video)

AQShning Florida shtatida joylashgan Bush Gardens bog‘idagi Bolingo laqabli gorilla murabbiy yordamida yogani o‘rgandi. Bu haqda «Daryo» xabar qildi.

Hayvonot bog‘i xodimlari tomonidan e’lon qilingan videoda hayvon yoga mashqlarini takrorlayotgani ko‘rinadi. U hatto oyoqlarini tepaga qilib ham tura oladi.

Bog‘ vakillarining so‘zlariga ko‘ra, bunday mashg‘ulot turi hayvonlar bilan ishonchli va ijobiy munosabatni shakllantirishga imkon beradi, shuningdek, ularni ruhiy va jismoniy jihatdan rivojlantiradi. “Zamin”ni Telegramʻda oʻqing!