Janubiy Koreya va KXDR munosabatlarni yaxshilaydi. Bu haqda Koreya Respublikasi hamda Shimoliy Koreya yetakchilari sammiti yakunlari bo‘yicha qo‘shma deklaratsiyada aytilgan.
“Shimol va Janub munosabatlarni to‘la va keng ko‘lamli yaxshilash hamda rivojlantirishga erishishga harakat qiladi va shu tariqa bo‘lajak qo‘shma farovonlik hamda birlashuvni yaqinlashtiradi”, - deya aniqlik kiritiladi hujjatda.
Shuningdek, KXDR va Janubiy Koreya may oyida generallar darajasida harbiy masalalarga yechim topish bo‘yicha aloqalarni yo‘lga qo‘yish uchun muzokaralar o‘tkazadi.
“Janub va Shimol ikki tomon o‘rtasidagi harbiy masalalarni batafsil hal etish uchun harbiy yo‘nalish bo‘yicha muzokaralarni ko‘proq o‘tkazishga kelishib oldi. Jumladan, bu mudofaa vazirlari ishtirokida ro‘y beradi. May oyi davomida generallar darajasida harbiy muzokaralar mo‘ljallanmoqda”, - deya ta’kidlangan hujjatda.
Foto: Reuters
Bundan tashqari, KXDR va Janubiy Koreya ishonch o‘rnatilgani sari qurollarni bosqichma-bosqich qisqartirishga kelishib oldi.
“Janub va Shimol harbiy keskinlik pasayib borgani sayin qurollarni bosqichma-bosqich qisqartirishga kelishib oldi. Bu harbiy sohada o‘zaro ishonch o‘rnatilishi uchun kerak”, - deyilgan hujjatda.
Foto: Reuters
Shuningdek, yangiliklardan biri – KXDR va Janubiy Koreya bir biriga qarshi dushmanlik kayfiyatidagi harakatlarni to‘xtatadi. Ular quruqlikda, dengiz va havoda o‘zaro to‘qnashuvga sabab bo‘lishi mumkin.
“Janub va Shimol Koreya yarim orolda harbiy keskinlikni pasaytirish uchun qo‘shma sa’y-harakatlarni amalga oshiradi. Bu urush tahdidini yo‘qotish uchun kerak”, - deyiladi hujjatda.
Foto: AFP
Bundan tashqari, KXDR va Janubiy Koreya hujum qilmaslik va bir biriga qarshi qurolli kuchlarni qo‘llamaslik to‘g‘risidagi kelishuvlarni tasdiqlaydi hamda ularga rioya qiladi.
Eslatib o‘tamiz, avvalroq Janubiy Koreyaga tashrif vaqtida Kim Chen In avtomobiliga 12 nafar yugurayotgan qo‘riqchi hamrohlik qilgani xabar berilgandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Putin va Si Szinpin uchrashuvidagi "ishora" shtatlarda vahima uyg‘otdi
Orzudagi uy — qishda issiq, yozda salqin. Bunga qanday erishish mumkin?
Putin Xitoy talabalariga qanday maslahat berdi?
Lavrov: Putin va Si Szinpin Xitoyning global xavfsizlik bo‘yicha tashabbusini muhokama qildi
Mansab pillapoyalari: unga kimlar munosib?
AQSH Raisiyning o‘limi ortidan Uchinchi jahon urushi boshlanishidan qo‘rqqan
Yerni ijaraga olganlarga qayta ijaraga berish huquqi berilishi mumkin
Eron prezidentini olib ketayotgan vertolyot halokatga uchradi