Barselonada Shakira va Pikening uyiga o‘g‘rilar tushdi

«Barselona» himoyachisi Jerar Pike va taniqli xonanda Shakira o‘g‘rilik qurboniga aylandi, deb xabar bermoqda Ispaniyaning Marca nashri.

Juftlikning Espluges-de-Lobregatdagi uyiga jinoyatchilar kirib, u yerdan qimmatbaho buyumlar, soatlar va taqinchoqlarni olib chiqib ketishgan. Ta’kidlanishicha, hodisa davomida o‘g‘rilar uy-joyga hech qanday zarar yetkazishmagan. Juftlik uyda bo‘lmagan, sababi futbolchi Ispaniya terma jamoasi bilan, Shakira esa – Germaniyadagi gastrollarda.

Pike o‘g‘rilik holati bo‘yicha politsiyaga murojaat qildi, huquqni muhofaza qilish organi surishtiruv ishlarini boshlagan.

Manba: kun.uz
“Zamin”ni Telegramʻda oʻqing!