Bu ayolning Shayx Fahd Kandariyga so‘zlab berganlari.
Eshikni qoqaman. Onam ochadi. Yuzida mamnuniyat ila:
– Assalamu alaykum va rahmatullah va barakatuh! Tafaddal (ma’nosi-marhabo), – deydi.
Yuzi nurga oshufta edi, terisidan ham nur yog‘ilarmidiyey. Go‘yo menga Toj Mahalning darvozalarini ochayotgandek. Go‘yo ular dunyoning eng muhtasham manzilida yashaydilar-u, meni ichkariga taklif etmoqdalar.
Uyga kirdim. Uyda nima bor? Hech narsa! Shunchaki odmi, bo‘m-bo‘sh xona. Devorlar, shift, gilam va 10 kishiga mo‘ljallangan iftor dasturxonini ko‘rdim. Dasturxonda biroz non, yelim likopchada no‘xot va yana ko‘kat hozirlangan ekan.
O‘tiraman, ammo hozirlanganlardan yegim yo‘q. Onam esa hali uni, hali buni ilinadilar.
– Sen bizning mehmonimizsan, – deydilar.
Jahlim chiqadi. Islomdan achchig‘im keladi. Shundog‘am yo‘qchilikka mahkum odamlarni yana 30 kunlab och yurishga buyurgan Kitobdan achchig‘im keladi. Mana shu faqir va keksa ayolni shu kuyga solgan, paqiridagi kir suvni ham ko‘p ko‘rgan Qur’ondan achchiqlanaman.
Nihoyat aytaman:
– Oyi, nega ro‘za tutasiz! Nima naf sizga bundan?
– Ochlikni unutmaslik uchun!
Biz dunyo deb atagan makonda uning hech vaqosi yo‘q. Umri mobaynida hech narsa orttirmagan. O‘zidan ham faqirroq insonlar haqida tafakkur qilardi.
Bu nima? Hayoti davomida uqubatlarga hamroh bo‘lgan bu ayol bo‘sh oshqozon orqali Xudosiga muhabbatini izhor qilayotgan edi. Bo‘sh oshqozon uchun!
Islom shu bo‘lsa, men ham Musulmon bo‘lishni xohlayman, xayol qilaman men.
Izoh: Lauren Bus hayotidagi tub burilish – Islomning kirib kelishini o‘zining Falastindagi muxbirlik faoliyati bilan bog‘laydi. Yuqoridagi kichik voqelik uni Islom haqida mushohada qilishiga ruhlantirganini aytadi. Hozirda u Qatarning “Al-Jazira” telekanali jurnalisti.
Kamola ABULQOSIM tarjimasi.
Manba: Hordiq.uz
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Qaysi kundalik odatlar immunitet pasayishiga olib kelishini bilasizmi?
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Toshkentda 02 kodli avtoraqamlar taxminan qachon paydo bo‘lishi aytildi
Sariqmi yoki yashil: qaysi turdagi banan foydaliroq?
Germaniyaning Knauf kompaniyasi Rossiyadan butunlay chiqib ketishini tasdiqladi
Eron prezidenti jiddiy bayonot berdi: «Isroildan hech narsa qolmaydi»
Futzal. Osiyo Kubogi. Tojikiston Yaponiyani guruhda qoldirdi
