Dunyoda shunday futbolchilar borki do‘konlarning figurasiga, reklamalarning yuziga aylangan. Ayniqsa bu narsa futbolchilarning ta’til paytlarida avj oladi. Biroq, yana shunday futbolchilar borki, vaqtdan nafaqat unumli balki savobli ishlar uchun foydalanib kelishadi. Masalan, Krishtian Ronaldu, Andreas Iniyesta, Muhammad Saloh, Kay Uolker, Neven Subotich… endi esa Nuri Shahin.
Kelib chiqishi turkiyalik bo‘lgan Shahin Kirshehirda tug‘ilgan bo‘lsa-da, keyinchalik Germaniyaning Dortmund shahriga ko‘chib ketgan.
Ayni damda 29 yoshni qarshi olgan Shahin futbolni Dortmundning «Borussiya» klubida boshlagan bo‘lsa, faoliyati davomida Madridning «Real» klubi va Angliyaning «Liverpul»ida to‘p surib, yana jonajon klubi «Borussiya»ga qaytib kelgan.
Futbol karerasi bilan kifoyalanib qolmagan Nuri o‘tgan yildan beri Horvard universitetida ham tahsil olmoqda.
Bir necha kun oldin esa u jamoadoshi Neven Subotichning fond jamoasiga a’zo bo‘ldi va Efiopiyaga jo‘nab ketdi.
Neven Subotich 2013 yildan beri dunyoning qurg‘oqchilik hukm surgan o‘lkalarida aholiga suv yetkazish uchun ariqlar qazish ishlari bilan shug‘ullanadi. Subotich qashshoq o‘lkalarda qilayotgan bu ishlari evaziga hech kimdan madad olmaydi, aksincha moliyaviy tomonlarni o‘zining shaxsiy fondidan to‘laydi. Bugungi kunda uning fondi soyasida yuzga yaqin ariqlar va suv inshootlari bunyod bo‘lgan.
Nuri Shahin Efiopiyada nafaqat ariq qazish bilan, balki ishdan so‘ng mahalliy bolalarga futbol o‘ynashni o‘rgatish bilan ham mashg‘ul.
“Subotich hamisha menga ta’kidlaydiki, bitta quduq bir insonning hayotini qay darajada o‘zgartirishini anglamoqchi bo‘lsang, quduqdan suv chiqqanida o‘sha kimsani tomosha qil. Sarhad bilmas savobning parchasini menga ham ulashayotgani uchun undan minnatdorman”, deya taassurotlari bilan o‘rtoqlashdi Nuri Shahin.
Manba: Hordiq.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Toshkentda 02 kodli avtoraqamlar taxminan qachon paydo bo‘lishi aytildi
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi