Peterburgda o‘zbekistonlik qiz mehmonxona derazasidan tushib ketdi

Sankt-Peterburg huquqni muhofaza qilish organlari xodimlari O‘zbekiston fuqarosining jarohat olishi bilan bog‘liq holatni tekshirishmoqda. Ayol mehmonxonaning derazasidan tushib ketgan.

Hodisa 2018 yil 4 avgust kuni, taxminan soat 17.30da, Bolsheviklar shoh ko‘chasi, 54-uyda sodir bo‘lgan. Tez tibbiy yordam «Belыe nochi» mehmonxonasi yonidan 25 yoshli qizni olib ketgan. Jabrlanuvchi uchinchi qavatda joylashgan xona derazasidan pastga tushib ketgan.

Qiz Aleksandrovskiy kasalxonasiga yotqizildi. Bemorning ahvoli og‘ir: shifokorlar unda ko‘p sonli sinishlar va umurtqa shikastlanishini aniqlashgan.

Huquq-tartibot organlari qiz bilan birga mehmonxona xonasida bo‘lgan o‘zbekistonlik 60 yoshli erkakni so‘roq qildi. “Zamin”ni Telegramʻda oʻqing!