Amerikalik talaba yotoqxonadan bir yarim metrlik ilon tutib oldi

Nyu-York markazidagi Gamilton kolleji talabasi yotoqxonadagi muzlatkich orqasidan uzunligi bir yarim metr boʻlgan ilonni topdi deb xabar berdi Darakchi nashri.

Maʼlum boʻlishicha, mazkur ilon qoʻshni xonada yashovchi talabaga tegishli boʻlib, u egasidan qochib ketgan. Talaba yotoqxona qoʻriqchilari yordamida ilonni xonasidan olib chiqqan.

Yotoqxonada hayvon saqlash mumkin emasligi tufayli ilon yovvoyi tabiatni himoya qilish Markaziga topshirilgan.