12:55 / 22.11.2018
6 163

Erib borayotgan Antarktida ostida sirli hudud aniqlandi

Erib borayotgan Antarktida ostida sirli hudud aniqlandi
Xalqaro olimlar guruhining aniqlashicha, Sharqiy Antarktida ostida geotermal energiya manbasi bor, u muz qatlami erishiga hissa qo‘shishi mumkin. Issiqlik kelishining sababi hozircha noma’lum. Bu haqida Kun.uz nashri xabar bermoqda.

Uch kilometrlik muz qatlami ostida kechayotgan jarayonlarni aniqlashga imkon bergan radiolokatsion zondlash natijalarining ko‘rsatishicha, bu yerdagi muz pastdan tepaga qarab erimoqda, erigan suv muz ostidagi ko‘llarga borib tushmoqda. Erish jarayoni minglab yoki millionlab yillar mobaynida davom etishi mumkin, u muz qatlami yo‘qolishiga ta’sir qilmaydi. Biroq, kelajakda bu jarayon mintaqani global isish ta’sirlariga nisbatan sezgirroq qilishi mumkin.

Mutaxassislarning fikriga ko‘ra, issiqlik manbalari radioaktiv jinslar va yer qobig‘i tubidan chiqayotgan issiq suv hisoblanadi. Ammo, bu hodisa aniq sababini aniqlash uchun qo‘shimcha tadqiqotlar kerak.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Erib borayotgan Antarktida ostida sirli hudud aniqlandi