Vyetnamda 6 nafar erkak kamyob maymunni tiriklayin yeb qo‘ydi

Vyetnamda tirik langurning yeyilishini internetda jonli efirda ko‘rsatgan kishilar hibsga olindi. Bu haqda South China Morning Post'ga tayanib Daryo xabar berdi.

Hodisa 17 noyabrda yuz bergan. Kamyob maymunni olti nafar erkak yegan. Ulardan biri hodisani mobil telefonda videoga olgan va Facebook’da namoyish qilgan.

Politsiya erkaklarning shaxsini aniqlashi uchun bir oy kerak bo‘lgan. 27 dekabr kuni erkaklarning barchasi qo‘lga olingan va ular qilgan ishini tan olgan. Ular Vyetnamning tabiat muhofazasi bo‘yicha qonunlarini buzganlikda ayblanmoqda.