Qirg‘iziston prezidenti Sooronbay Jeenbekov Qirg‘izistonda uran qazib olinmasligiga va’da berdi. U bu haqda konstitutsiyaviy palata sudyalari bilan uchrashuvda aytib o‘tgan.
Avvalroq Qirg‘izistonda, jumladan poytaxt Bishkekda Qizil-Ompolda geologik qidiruv ishlari olib borilayotgani haqidagi ma’lumotlardan keyin uran konlarini o‘zlashtirishga qarshi namoyishlar bo‘lib o‘tgan. 22 aprelda Qirg‘iziston bosh vaziri Muhammadkaliy Abilgaziyev u yerda barcha ishlarni to‘xtatishga ko‘rsatma bergan.
Foto: CABAR.asia
“Biz keyingi avlodga birdam jamiyat, huquqiy davlat topshirishimiz lozim. Sof, yashil tabiatni asarashimiz lozim. Fursatdan foydalanib shuni aytmoqchimanki, jamiyatda Issiq-ko‘l viloyatidagi Qizil-Ompolda uran qazib olish masalasi o‘tkir muhokama qilinmoqda. Fuqarolarimiz bu borada tashvish bildirishmoqda”, deb aytgan Jeenbekov.
“Aniq aytaman – Qirg‘izistonda uran qazib olinmaydi”, deb qo‘shimcha qilgan Qirg‘iziston prezidenti.
Jeenbekovning aytishicha, u 2018 yilda ruxsatnomalar berilishi tizimini batafsil tahlil qilish va inventarizatsiya o‘tkazishni taklif qilgan. Yangi litsenziyalarni berishga taqiqlov kiritilgan.
Mamlakat rahbari Qizi-Ompoldagi vaziyatni “tog‘-kon sohasidagi betartiblik, o‘zboshimchalik siyosat natijasi” deb baholagan. Jeenbekovning ta’kidlashicha, mustaqillik yilarida mamlakatda yer qa’ridan foydalanishga 2,5 mingdan ko‘proq litsenziya berilgan. Oxirgi 8 yilda bu sohada yuzlab jinoiy ishlar qo‘zg‘atilgan, ular bo‘yicha tergovlarning ko‘pi yakuniga yetkazilmagan va hozirda bu masala bilan maxsus ishchi guruh shug‘ullanmoqda.
“Yana bir bor qaytaraman: Qizil-Ompolda uran qazib olish ishlari olib borilmaydi. Hukumatning bu masalaga befarq munosabati sababli shunday katta jamiyat rezonansi yuz berdi. Bezovtaliklar bo‘sh joyda boshlanmagan. Biz navbatdagi sayyohlik mavsumiga tayyorlanayotganimizda bunday shovqin-suronni mavsumni va sohani barbod qilishga qaratilgan g‘arazli harakat deb baholagan bo‘lardim. Shu sababli yurtdoshlarga, fuqarolik jamiyatiga, ommaviy axborot vositalariga murojaat qilaman: xavotirga hech qanday asos yo‘q”, deb ta’kidlab o‘tgan Qirg‘iziston rahbari. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Saudiya Arabistoni bilan yana qator sohalarda hamkorlik o‘rnatilishi kutilmoqda
Diniy qo‘mita: Turli vizalar bilan Haj amallarini bajarishning imkoni yo‘q
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Liga 1. PSJ muddatidan oldin chempionlikni hal qildi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
O‘zbekistonga qarshi Indoneziyaning asosiy hujumchilaridan biri maydonga tusha olmaydi
O‘zbekistonda yashirin iqtisodiyotga qarshi kurashish rejalari ishlab chiqildi
